navigate_nextសេវាកម្មnavigate_nextកម្មវិធីសិក្សាថ្នាក់ភាសាបរទេសnavigate_nextថ្នាក់ភាសាអង់គ្លេស​សម្រាប់​គោលបំណង​ជាក់លាក់

ថ្នាក់ភាសាអង់គ្លេស​សម្រាប់​គោលបំណង​ជាក់លាក់

ថ្នាក់ភាសាអង់គ្លេសសម្រាប់គោលបំណងជាក់លាក់ត្រូវបានរចនាឡើងយ៉ាងល្អ ដើម្បីអភិវឌ្ឍជំនាញទំនាក់ទំនងក្នុងវិស័យមួយចំនួនដូចជា ហិរញ្ញវត្ថុ ធនាគារ ទីផ្សារ ការគ្រប់គ្រង ផ្នែកធនធានមនុស្ស ។ល។ វគ្គសិក្សានេះផ្ដោតសំខាន់លើភាសា និងផ្នែកទំនាក់ទំនងស្របតាមតម្រូវការក្នុងជំនាញជាក់ស្តែង លើសពីនេះកម្មវិធីសិក្សានេះក៏ជួយសិស្ស-និស្សិតឱ្យប្រើប្រាស់ជំនាញទំនាក់ទំនងក្នុងអាជីពយ៉ាងស្ទាត់ជំនាញ ហើយអាចបំពេញនូវតម្រូវការទីផ្សារការងារទាំងក្នុងតំបន់ និងអន្តរជាតិ។ កម្មវិធីនេះត្រូវបានរចនាឡើងដោយមានគោលបំណងច្បាស់លាស់ក្នុងការបណ្ដុះបណ្ដាលបុគ្គលិកដែលកំពុងបម្រើការនៅធនាគារអេស៊ីលីដា ភីអ៊ិលស៊ី និងសិស្ស-និស្សិតផ្សេងៗទៀតចាប់អារម្មណ៍លើវគ្គសិក្សាទាំងបួន៖

• ថ្នាក់ភាសាអង់គ្លេសសម្រាប់បំណិនសរសេរ
• ថ្នាក់ភាសាអង់គ្លេសសម្រាប់ទំនាក់ទំនងធុរកិច្ច
• ថ្នាក់ភាសាអង់គ្លេសសម្រាប់គណនេយ្យ
• ថ្នាក់ភាសាអង់គ្លេសសម្រាប់ហិរញ្ញវត្ថុ និងធនាគារ

កម្មវិធីភាសាអង់គ្លេសសម្រាប់គោលបំណងជាក់លាក់ប្ដេជ្ញា៖

• បញ្ជ្រាបនូវជំនាញនៃការប្រាស្រ័យទាក់ទងទៅនឹងទ្រឹស្ដី និងការអនុវត្តនូវការរៀនភាសាអង់គ្លេស
• ផ្ដល់នូវឱកាសនានាដល់សិស្ស-និស្សិតជំរុញខ្លួនឯងឱ្យមានភាពរីកចម្រើនឆ្ពោះទៅមុខក្នុងការសរសេរលិខិតធុរកិច្ច និងការនិយាយ
• ត្រួសត្រាយដល់សិស្ស-និស្សិតឱ្យសម្រេចបាននូវភាពជោគជ័យក្នុងវិស័យការងារ និង
• កសាងទំនុកចិត្តដល់អ្នកសិក្សាក្នុងការប្រាស្រ័យទាក់ទង ធ្វើបទបង្ហាញ និងនិយាយភាសាអង់គ្លេសជាសាធារណៈ។

ចុះឈ្មោះ

ប្រសិនបើសិស្សានុសិស្សចាប់អារម្មណ៍ក្នុងកម្មវិធីណាមួយសូមចុះឈ្មោះ នៅទីនេះ!