ព័ត៌មានព័ត៌មានថ្មីៗសូមអបអរសាទរយុវនិស្សិត AUB ដែលបង្កើតនិម្មិតកម្មនៅពិធីពានរង្វាន់ថាមពលយុវជនអាស៊ាន ២០២៥

សូមអបអរសាទរយុវនិស្សិត AUB ដែលបង្កើតនិម្មិតកម្មនៅពិធីពានរង្វាន់ថាមពលយុវជនអាស៊ាន ២០២៥

ថ្ងៃទី៣ ខែកញ្ញា ឆ្នាំ២០២៥

សាកលវិទ្យាល័យ ពាណិជ្ជសាស្ត្រ អេស៊ីលីដា (ACLEDA University of Business) មានមោទនភាពយ៉ាងខ្លាំងក្នុងការបង្ហាញនិស្សិតឆ្នើមពីររូប៖

លោក តូច ឥនសុភា (និស្សិតវិទ្យាសាស្ត្រ និងវិស្វកម្មកុំព្យូទ័រ) និង
កញ្ញា ឈិត ហេឡែន (និស្សិតបច្ចេកវិទ្យាព័ត៌មានធុរកិច្ច)

ដែលបានជោគជ័យក្នុងការជ្រើសរើសចូលរួមក្នុងកម្មវិធី ASEAN Energy Youth Awards លើកទី៥ (AEYA 2025) ដែលបានប្រព្រឹត្តទៅនៅ សាលសន្និបាត Borneo Convention Centre Kuching (BCCK) រដ្ឋសារាវ៉ាក់ ប្រទេសម៉ាឡេស៊ី ក្នុងវេទិកា SAREF 4.0 នៅថ្ងៃទី៣–៤ ខែកញ្ញា ឆ្នាំ២០២៥។

ការចូលរួមរបស់និស្សិតទាំងពីរនេះជាការបង្ហាញយ៉ាងច្បាស់ពីស្មារតី AEYA ដែលមានគោលបំណងជំរុញការច្នៃប្រឌិត និងការចូលរួមរបស់យុវជនក្នុងវិស័យ ថាមពលបៃតង និង ថាមពលកកើតឡើងវិញ ដើម្បីចូលរួមបង្កើតអនាគតប្រកបដោយចីរភាពសម្រាប់តំបន់អាស៊ាន។

សាកលវិទ្យាល័យសូមអបអរសាទរនិស្សិតទាំងពីរ ដែលបានបង្ហាញពី៖

គំនិតច្នៃប្រឌិតថ្មីៗ
ការសហការជាសកល និង
សមត្ថភាពក្នុងការដឹកនាំការផ្លាស់ប្តូរផ្នែកថាមពល។